Другія Еўрапейскія гульні могуць прайсці ў Беларусі

Другія Еўрапейскія гульні могуць прайсці ў Беларусі, - паведаміў першы віцэ-прэзідэнт НАК Беларусі Максім Рыжанкоў. У Азербайджане спецыяльна да гульняў пабудавана вельмі вялікая спартыўная інфраструктура. У Беларусі гэта і так ужо ёсць: вяслярныя каналы, мноства арэн, водна-спартыўных комплексаў. Беларусь пакуль не адмовілася ад правядзення гульняў, таксама як і іншыя патэнцыяльныя краіны-кандыдаты.

Нагадаем, першыя Еўрапейскія гульні праходзілі з 12 па 28 чэрвеня ў Баку. Зборная Беларусі ў агульнакамандным медальным заліку, маючы ў актыве 43 узнагароды (10 залатых, 11 сярэбраных і 22 бронзавыя), заняла 7-е месца.