Саміт "Усходняга партнёрства" адкрыўся ў Рызе.

          Саміт "Усходняга партнёрства" адкрыўся ў Рызе. У адпаведнасці з даручэннем Прэзідэнта Беларусі нашу краіну ў латвійскай сталіцы прадстаўляе Міністр замежных спраў Уладзімір Макей. Раней ён узяў удзел у сустрэчы міністраў замежных спраў краін Вышаградскай групы і ініцыятывы Еўрапейскага Саюза "Усходняе партнёрства". Уладзімір Макей выказаў пазіцыю Беларусі, звярнуўшы ўвагу на неабходнасць неканфрантацыйнага і прагматычнага падыходу да правядзення саміту ў латвійскай сталіцы.