Дні культуры Беларусі ў Кітаі пройдуць на гэтым тыдні ў Пекіне.

        У Beijing Concert Hall выступіць Беларускі дзяржаўны ансамбль народнай музыкі "Свята", салісты Нацыянальнага акадэмічнага Вялікага тэатра оперы і балета. Адбудзецца адкрыццё выставы графікі "Пэндзаль Дружбы" на тэму "Прысвячэнне паэзіі Якуба Коласа" і "Жаночыя партрэты" беларускай мастачкі Марыны Эльяшэвіч, якая працуе ў тэхніцы традыцыйнага кітайскага жывапісу гохуа. Беларуская дэлегацыя абмяркуе з кітайскімі калегамі магчымасць правядзення ў Кітаі Дзён беларускага кіно, выставы з фондаў Нацыянальнага гістарычнага музея, гастроляў Нацыянальнага акадэмічнага Вялікага тэатра оперы і балета.