Беларусь і Еўрапейскі саюз прадоўжаць супрацоўніцтва ў мэтах дасягнення высокага ўзроўню аднастайнасці мытных сістэм.

          Аб гэтым паведамілі ў прэс-службе Дзяржаўнага мытнага камітэта Беларусі пасля сустрэчы старшыні камітэта Юрыя Сянько з кіраўніком прадстаўніцтва ЕС у Беларусі Майрай Морай. Падчас сустрэчы былі разгледжаны пытанні, звязаныя з рэалізацыяй бягучых праектаў па праграмах трансгранічнага супрацоўніцтва Еўрасаюза, а таксама ініцыятыў Дзяржаўнага мытнага камітэта Беларусі па ўдзеле ў новых праграмах і праектах ЕС.