Мінск стаў першым горадам у турнэ выстаўкі Нацыянальнага музея гісторыі Латвіі.

          Мінск стаў першым горадам у еўрапейскім турнэ выстаўкі "Бурштын - каштоўны камень Балтыйскага мора" Нацыянальнага музея гісторыі Латвіі. Экспазіцыя адкрылася ў Нацыянальным гістарычным музеі Беларусі. Гэта адзін з самых паспяховых праектаў у праграме горада Рыгі як культурнай сталіцы Еўропы "Рыга-2014".  У экспазіцыі  - унікальная рэканструкцыя касцюма з могільніка Звейніеку з больш як 100 бурштынавымі прадметамі, традыцыйны латышскі народны касцюм з бурштынавымі ўпрыгажэннямі, фібулы, гузікі, пацеркі, падвескі, кулоны.