Прэзідэнт Арменіі лічыць, што тавараабарот паміж Арменіяй і Беларуссю не адпавядае ўзроўню палітычных адносін.

         Тавараабарот паміж Арменіяй і Беларуссю не адпавядае ўзроўню палітычных адносін паміж краінамі. Пра гэта ў эфіры тэлеканала "Беларусь 1" заявіў Прэзідэнт Арменіі Серж Саргсян. Па яго словах, на гэта ёсць дзве аб'ектыўныя прычыны: малыя памеры рынку і недастаткова развітая інфраструктура. Але ўдзел у ЕАЭС адкрывае новыя магчымасці.  Серж Саргсян адзначыў, што агульная палітыка краін прывядзе да таго, што ўдзельнікі эканамічнага саюза паспрабуюць знайсці дастойную замену імпарту.