Міжнародны конкурс піяністаў стартаваў у Брэсце.

         Першы міжнародны конкурс піяністаў, прысвечаны 100-годдзю з дня нараджэння Святаслава Рыхтэра, стартаваў у Брэсце. У музычных спаборніцтвах прымаюць удзел 18 маладых піяністаў з Беларусі, Мексікі і Кітая. Конкурс ладзіцца ў дзвюх узроставых катэгорыях - ад 16 да 18 гадоў і ад 19 да 22 гадоў. Удзельнікам неабходна прадставіць праграму з некалькіх музычных твораў працягласцю да 25 хвілін. Пераможцы атрымаюць прэміі. Плануецца, што мерапрыемства стане традыцыйным і будзе праводзіцца раз на два гады.