Лячэнне паветрам з пчалінага вулля пачалі практыкаваць ў Віцебску.

     Аздараўленне метадам аэраапітэрапіі -паветрам пчалінага вулля - ўкаранілі ў Віцебскім абласным клінічным скурна-венералагічным дыспансеры. Працэдура вельмі простая: пацыент апранае маску і праз трубку дыхае паветрам з вулля. Для атрымання станоўчага эфекту дыхаць адным паветрам з пчоламі неабходна па 15-20 хвілін на працягу 20 дзён. Такая аэратэрапія стымулюе дыхальную, сардэчна-сасудзістую сістэму, дазваляе павысіць працаздольнасць, павысіць імунітэт, палепшыць настрой і справіцца з дэпрэсіяй.