Беларуска-расійскі фонд венчурнага фінансавання плануецца стварыць у 2015 годзе.

       Аб гэтым паведаміў старшыня Дзяржаўнага камітэта па навуцы і тэхналогіях Аляксандр Шумілін, перадае БЕЛТА. Сумесны венчурны фонд будзе створаны, каб распрацоўшчыкі маглі атрымаць інвестыцыі для рэалізацыі сваіх праектаў. Паводле слоў Аляксандра Шуміліна, недахопу ў праектах, якія прэтэндуюць на атрыманне фінансавання, не будзе - у Беларусі шмат таленавітай моладзі, а стварэнне фонду дасць магчымасць маладым распрацоўшчыкам рэалізаваць свае ідэі і стварыць уласны бізнес.