Фонды палаца Румянцавых і Паскевічаў папоўнілі партрэты яго былых уладальнікаў.

        Музейныя фонды гомельскага палаца Румянцавых і Паскевічаў папоўнілі партрэты двух яго былых уладальнікаў - расійскага фельдмаршала Пятра Румянцава-Задунайскага і Івана Паскевіча, - перадае БЕЛТА. Малюнак Румянцава-Задунайскага выгравіраваны Аляксандрам Осіпавым і надрукаваны на паперы ў 1803 годзе. У такім жа матэрыяле ў 1855 годзе ў Лейпцыгу выканана гравюра з партрэтам Івана Паскевіча. Акрамя таго, летась у музеі з’явіўся памятны медаль 1850 года "У гонар пяцідзесяці гадоў выдатных ваенных заслуг" з прыжыццёвы барэльефных партрэтаў Івана Паскевіча.