2014 год стаў вельмі паспяховым для развіцця адносін Беларусі і Кубы.

      Узровень эканамічнага партнёрства паміж Беларуссю і Кубай павінен дасягнуць ўзроўню палітычных адносін. Пра гэта заявіў пасол Кубы ў Беларусі Херарда Суарэс Альварэс. Па словах дыпламата, 2014 год стаў вельмі паспяховым для развіцця двухбаковых адносін. Супрацоўніцтва паміж краінамі можна ахарактарызаваць як стратэгічнае. Пасол адзначыў, што выдатны стан палітычных адносін пацвердзіўся падчас візіту міністра замежных спраў Беларусі Уладзіміра Макея на Кубу ў чэрвені мінулага года. Тады былі падпісаны пагадненні аб сустрэчным гандлі і ўзаемным прызнанні лекавых сродкаў і іх паставак. Па словах дыпламата, абодва дакументы ўжо ратыфікаваны кубінскім урадам.