Міністр эканомікі Беларусі прапануе нарасціць прысутнасць партугальскіх тавараў на беларускім рынку.

          Міністр эканомікі Беларусі Мікалай Снапкоў прапануе нарасціць прысутнасць партугальскіх тавараў на беларускім рынку праз стварэнне сумесных прадпрыемстваў. Пра гэта ён заявіў на сустрэчы ў Мінску з паслом Партугаліі ў Расіі і Беларусі (па сумяшчальніцтве) Марыа Гадзіньа дэ Матушам. Па словах Мікалая Снапкова, гэта будзе садзейнічаць актывізацыі гандлёва-эканамічнага супрацоўніцтва Беларусі і Партугаліі. Ён канстатаваў, што тавараабарот $44 млн не можа адпавядаць інтарэсам ні беларускага, ні партугальскага боку.