У цэнтры чэшскай сталіцы адкрыецца выстава нашых скульптараў.

        Экспазіцыю "Шлях Скарыны да Прагі" прэзентуюць чатыры майстры. Гэта мініяцюрныя кампазіцыі. Шлях Скарыны да Прагі за нашымі скульптарамі будуць пракладваць і беларускія жывапісцы. У наступным годзе плануецца арганізаваць выставу рэалістаў Бархатковых і сумесную экспазіцыю сучаснага нацыянальнага мастацтва, дзе будзе паказана і графіка, і скульптура, і жывапіс маладых беларускіх творцаў.