Прэм'ер-міністр Беларусі упэўнены ў з'яўленні паспяховых праектаў беларускіх вучоных з замежнымі калегамі

Прэм'ер-міністр Беларусі Міхаіл Мясніковіч выказаў упэўненасць у з'яўленні новых паспяховых праектаў беларускіх вучоных з аўстрыйскімі, в'етнамскімі і расійскімі калегамі. Пра гэта кіраўнік урада заявіў на сустрэчы з выбранымі замежнымі членамі НАН Беларусі.

Прэм'ер-міністр падкрэсліў вялікае значэнне супрацоўніцтва беларускіх і расійскіх вучоных. Сёлета ўпершыню за 15 гадоў у Беларусі выбралі замежных членаў НАН.