Беларусь бачыць істотны патэнцыял для нарошчвання ўзаемадзеяння з Аб'яднанымі Арабскімі Эміратамі ва ўсіх сферах.

         Беларусь надае важнае значэнне развіццю супрацоўніцтва з Аб'яднанымі Арабскімі Эміратамі і бачыць істотны патэнцыял для нарошчвання ўзаемадзеяння ва ўсіх сферах. Аб гэтым ішла размова падчас сустрэчы Прэзідэнта Беларусі Аляксандра Лукашэнкі з наследным прынцам Абу-Дабі, намеснікам галоўнакамандуючага Узброеных сіл Арабскіх Эміратаў шэйхам Мухамедам бэн Заід аль-Нахаянам. Кіраўнік дзяржавы знаходзіцца ў Эміратах з рабочым візітам. Гэтая краіна - асноўны гандлёвы партнёр Беларусі сярод арабскіх дзяржаў Персідскага заліва. У гэтай арабскай краіны сур'ёзная цікавасць да інвеставання ў Беларусь.