Гомельскі палацава-паркавы ансамбль гэтымі днямі адзначае сваё 95-годдзе.

       Помнік архітэктуры XVIII-XIX стагоддзяў, ён лічыцца адным са старэйшых і найбольш аўтарытэтных музеяў Беларусі. Пасля завяршэння рамонтна-рэстаўрацыйных работ у 2004 годзе музей упершыню з моманту стварэння размясціў свае экспазіцыі ў аб'ёмах усяго палаца Румянцавых і Паскевічаў.  Зараз у яго фондах захоўваецца больш як 220 тыс. прадметаў. Да таго ж, у гэтым годзе гісторыка-культурная ўстанова  пачала рэалізацыю музычнага праекта "Art моладзь". Асноўная мэта - выяўленне новых імёнаў, а таксама падтрымка таленавітых выканаўцаў.