У Нясвіжы будуць шукаць скарбы Радзівілаў.

        У Нясвіжы 18 кастрычніка будуць шукаць скарбы Радзівілаў, паведамляе БЕЛТА. Восенню 1939 года за некалькі дзён да прыходу Чырвонай арміі ў Нясвіж апошні ўладальнік замка Леан Радзівіл ноччу вынес і схаваў асабістыя каштоўнасці. На працягу 75 гадоў гэта заставалася сямейнай тайнай, пакуль яе не раскрыла ўнучка князя Дзіяна Радзівіл-Караба . Летась яна наведала музей-запаведнік. Абследаваць тэрыторыю, дзе, як мяркуецца, могуць быць закапаны фамільныя каштоўнасці, будуць спецыялісты з Інстытута гісторыі НАН Беларусі. Паназіраць за пошукам змогуць і турысты. Архітэктурна-культурны комплекс былой рэзідэнцыі Радзівілаў - адна з выдатных мясцін Беларусі, занесеная ў спіс Сусветнай спадчыны ЮНЕСКА.