Сцяг БДУІР усталююць на вяршыні дзеючага вулкана Эль-Місці ў Перу

        Сцяг БДУІР усталююць на вяршыні дзеючага вулкана Эль-Місці ў Перу, інфармуе БЕЛТА. У Беларускім дзяржаўным універсітэце інфарматыкі і радыёэлектронікі рэктар ВНУ Міхаіл Батура ўручыў сцяг БДУІР  Аляксею Варыводу. Аляксей сёлета стаў студэнтам факультэта інфармацыйных тэхналогій і кіравання. А ў пачатку жніўня ён у складзе экспедыцыі беларускіх альпіністаў праекта "Сем вяршынь" адправіцца пакараць вяршыню дзеючага вулкана Эль-Місці (вышыня 5 тыс. 822 м) на тэрыторыі паўднёвага Перу.