Cемінар "Інвестыцыйны, юрыдычны і падатковы клімат у краінах Мытнага саюза" адбыўся ў Рыме

Пасол Беларусі ў Італіі Яўген Шастакоў прыняў удзел у семінары "Інвестыцыйны, юрыдычны і падатковы клімат у краінах Мытнага саюза" ў Рыме. Дыпламат адзначыў новыя перспектывы для нацыянальных эканомік Беларусі, Казахстана і Расіі, якія адкрываюцца ў сувязі з падпісаннем Дагавора аб Еўразійскім эканамічным саюзе, акцэнтаваў увагу на перавагах Беларусі ў кантэксце дзелавога і інвестыцыйнага супрацоўніцтва. Цэнтральнай тэмай выступлення кіраўніка беларускай дыпмісіі была рэгіянальная эканамічная інтэграцыя як прыярытэт беларускай знешняй палітыкі і адзін з ключавых фактараў павышэння ўстойлівасці нацыянальнай эканомікі. Падчас мерапрыемства Яўген Шастакоў правёў шэраг перагавораў з кіраўніцтвам кампаній, зацікаўленых у развіцці супрацоўніцтва з беларускім бокам.