Беларусь зарабіла на ЧС больш за 14 млн. еўра.

        Беларусь зарабіла на чэмпіянаце свету па хакеі больш за 14 млн еўра, паведаміў у эфіры тэлеканала "Беларусь 1" старшыня Беларускай федэрацыі хакея Яўген Ворсін. Па яго словах, атрыманая выручка перавысіла запланаваныя 13 млн еўра. Чэмпіянат свету па хакеі з шайбай праходзіў у Мінску з 9 па 25 мая. Падчас спаборніцтваў на трыбунах "Мінск-Арэны" і "Чыжоўка-Арэны" пабывалі больш за 643 тыс.  гледачоў (у сярэднім на адным матчы - больш за 10 000). Гэта новы рэкорд за ўвесь час правядзення чэмпіянатаў свету па хакеі.