Беларусь звяртае ўвагу Польшчы на неабходнасць стварэння ўмоў для запуску малога прыгранічнага руху.

         Беларусь звяртае ўвагу польскага боку на неабходнасць стварэння эфектыўных умоў для запуску малога прыгранічнага руху. На гэтым акцэнтаваў увагу намеснік міністра замежных спраў Беларусі Аляксандр Гур'янаў падчас Другога форуму гарадоў-пабрацімаў Беларусі і Польшчы ў Беластоку. Намеснік міністра падкрэсліў важнасць гэтага праекта для беларускага боку. Аляксандр Гур'янаў канстатаваў, што ёсць праблемы з глабальным рухам на мяжы Беларусі і Польшчы, якая з'яўляецца і мяжой паміж Еўрасаюзам і Мытным саюзам. Абмяркоўваюцца праекты ўвядзення новых пунктаў пропуску і мадэрнізацыі існуючых. Пры гэтым Аляксандр Гур'янаў звярнуў увагу, што ўсё ацэньваецца з улікам вопыту малога прыгранічнага руху Беларусі з Латвіяй.