Сочынскія Гульні сталі для беларускіх спартсменаў самымі паспяховымі.

         Спартсмены зборнай Беларусі занялі 8-е месца ў неафіцыйным камандным заліку ХХII зімовых Алімпійскіх гульняў. Заваяваўшы 5 залатых медалёў, беларускія алімпійцы ўстанавілі новы рэкорд па колькасці ўзнагарод вышэйшай пробы за ўсю суверэнную гісторыю, пераўзышоўшы на адно золата дасягненне летняга Пекіна-2008. Безумоўна, адзін з галоўных герояў сочынскіх Гульняў - лідар зборнай Беларусі па біятлоне Дар'я Домрачава, якая стала трохразовай алімпійскай чэмпіёнкай. Акрамя яе, у ліку лаўрэатаў біятлонных баталій у Сочы-2014 - яшчэ адна прадстаўніца зборнай Беларусі Надзея Скардзіна. Спартсменка стала ўладальніцай бронзы ў індывідуальнай гонцы. Чарговы раз пацвердзілі свой высокі клас беларускія фрыстайлісты - спачатку Ала Цупер сенсацыйна выйграла жаночы турнір лыжных акрабатак, а затым золата Беларусі прынёс фрыстайліст Антон Кушнір.