Беларускі вопыт у сферы працаўладкавання моладзі зацікавіў еўрапарламентарыяў .

         Аб гэтым паведаміў старшыня Пастаяннай камісіі Савета Рэспублікі па адукацыі , навуцы , культуры і сацыяльным развіцці Мікалай Казаравец, падводзячы вынікі ўдзелу ў мерапрыемствах Парламенцкай асамблеі Парламенцкага вымярэння Цэнтральнаеўрапейскай ініцыятывы ў Будапешце.
Прадстаўнік нашай краіны ў сваім дакладзе распавёў пра беларускую сістэму дзяржаўнай падтрымкі маладых спецыялістаў, гэты вопыт выклікаў вялікую цікавасць і стаў прадметам абмеркавання. У прыватнасці, італьянскія парламентарыі выказалі жаданне прыехаць у Беларусь, каб на месцы вывучыць, як вырашаюцца праблемы беспрацоўя і працаўладкавання маладых спецыялістаў.