Мінпрыроды лічыць неабгрунтаванымі прэтэнзіі Літвы да Беларусі аб парушэнні Канвенцыі Еўрапейскай эканамічнай камісіі ААН аб ацэнцы ўздзеяння на навакольнае асяроддзе ў трансгранічным кантэксце

      Мінпрыроды лічыць неабгрунтаванымі прэтэнзіі Літвы да Беларусі аб парушэнні Канвенцыі Еўрапейскай эканамічнай камісіі ААН аб ацэнцы ўздзеяння на навакольнае асяроддзе ў трансгранічным кантэксце. Такую думку выказала намеснік начальніка ўпраўлення дзяржаўнай экалагічнай экспертызы Міністэрства прыродных рэсурсаў і аховы навакольнага асяроддзя Беларусі Людміла Івашэчкіна.
Паводле яе слоў рэкамендацыі, што раней былі сфармуляваны для Беларусі камітэтам па ажыццяўленні Канвенцыі выконваюцца. Мінпрыроды неаднаразова накіроўвала лісты Міністэрству навакольнага асяроддзя Літвы, у якіх утрымліваліся адказы на пытанні літоўскага ведамства. Акрамя таго, прапаноўвала правесці сумесную кансультацыю спецыялістаў.  Аднак літоўскі бок ігнараваў лісты і прапановы.