У Мінску адкрылася прадстаўніцтва Літоўскай чыгункі.

         Зрабіць Мінск і Вільнюс бліжэй, чыгуначныя зносіны больш камфортнымі, а дастаўку грузаў больш аптымальнай – у беларускай сталіцы адкрылася прадстаўніцтва Літоўскай чыгункі. Галоўная прычына - штогадовае павелічэнне груза- і пасажырапатоку, а таксама геаграфічная блізкасць дзвюх краін. Сёння па папулярным кірунку Мінск - Вільнюс – Мінск за месяц ездзяць амаль 30 тысяч пасажыраў. А з адкрыццём прадстаўніцтва і запускам хуткаснага цягніка  такія паездкі стануць яшчэ больш камфортнымі і хуткімі. У цэлым праект арганізацыі хуткасных пасажырскіх зносін Мінск - Вільнюс - Мінск разлічаны да 2015  года. Плануецца не толькі падарыць пасажырам дзвюх краін 30 хвілін, скараціўшы  час знаходжання ў дарозе, але і запусціць новыя электрычкі з Мінска да Вільнюса, якія сёння курсіруюць на прыгарадных маршрутах дзвюх сталіц.