Пушчанскі Дзед Мароз у навагоднія святы атрымаў ад дзяцей больш за 12 тыс. лістоў звычайнай поштай і столькі ж па Інтэрнэце.

       Дзед Мароз радуецца ўсім пасланням, імкнецца хутчэй іх прачытаць і даць адказ. Нягледзячы на тое, што навагоднія святы ўжо скончыліся, у адрас беларускага Дзеда Мароза працягваюць паступаць лісты. Добраму чараўніку пішуць дзеці з усяго свету. Безумоўна, большая частка навагодняй карэспандэнцыі прыходзіць ад юных грамадзян нашай краіны, а такасама Расіі і Украіны. Больш стала прыходзіць лістоў з краін далёкага замежжа - Вялікабрытаніі, Германіі, ЗША, Ізраіля, Францыі. Беларускі Дзед Мароз атрымаў нават лісты з Аўстраліі, Кітая, Ганконга.