Два абрада ў Магілёўскай вобласці прэтэндуюць на статус нематэрыяльнай гісторыка-культурнай спадчыны Беларусі.

       Дзіцячы калядны абрад "Куры" і традыцыя паломніцтва да Блакітнай крыніцы ў Слаўгарадскім раёне прэтэндуюць атрымаць статус нематэрыяльнай гісторыка-культурнай спадчыны Беларусі. Гэтыя аб'екты маюць вялікае культурнае і сацыяльнае значэнне. Напрыклад, паломніцтва да Блакітнай крыніцы застаецца самым масавым на Магілёўшчыне. З мэтай вылечыцца ад хвароб і аздаравіцца сюды прыязджаюць дзесяткі тысяч людзей. Гэты крыніца - адзіная з такім магутным патокам узыходзячага тыпу ва ўсёй Усходняй Еўропе.