Кіраўнікі Беларусі, Расіі і Казахстана на працягу гэтага года правядуць тры сустрэчы ў фармаце "тройкі".

       Прэзідэнты Беларусі, Расіі і Казахстана на працягу гэтага года правядуць тры сустрэчы ў фармаце "тройкі". Пра гэта паведаміў  пасол Беларусі ў Расіі Ігар Петрышэнка ў Маскве на сустрэчы са спікерам верхняй палаты расійскага парламента Валянцінай Мацвіенка. Прэзідэнты маюць намер актывізаваць працэсы еўразійскай інтэграцыі, адзначыў дыпламат. Пасол акцэнтаваў таксама ўвагу на двухбаковым беларуска-расійскім супрацоўніцтве. Ён падкрэсліў, што па выніках 2012 года тавараабарот Беларусі і Расіі ўпершыню перасягнуў адзнаку $40 млрд. Эканамічная база, створаная ў мінулым годзе, павінна прырастаць і сёлета ва ўсіх інтэграцыйных фарматах - і ў рамках Саюзнай дзяржавы, і ў рамках Мытнага саюза, - падкрэсліў Ігар Петрышэнка.