Зоркі сусветнага балета едуць у Беларусь.

      Упершыню ў Мінску на сцэне Нацыянальнага акадэмічнага Вялікага тэатра оперы і балета выступяць майстры харэаграфіі з ЗША, Вялікабрытаніі і Германіі. Для феерычнага перфоманса на сцэну выйдуць салісты сусветна вядомых тэатраў - Нью-Ёрк-Сіці балета, Лонданскага каралеўскага балета, штутгартскага і Дзяржаўнага берлінскага балета. У праграму эксклюзіўнага праекта "Зоркі сусветнага балета" увойдуць лепшыя танцавальныя нумары, якія характарызуюць балетныя традыцыі і школу, прадстаўленыя на іх радзіме.