Прадстаўнікі дзелавых колаў Саудаўскай Аравіі наведаюць Беларусь з мэтай абмеркавання перспектыў гандлёва-эканамічнага супрацоўніцтва.

         Прадстаўнікі дзелавых колаў Каралеўства Саудаўская Аравія наведаюць Беларусь з мэтай прадметнага абмеркавання перспектыў гандлёва-эканамічнага супрацоўніцтва. Адпаведная дамоўленасць дасягнута падчас візіту беларускай дэлегацыі на чале з намеснікам міністра замежных спраў Валянцінам Рыбаковым у гэту краіну, паведамляе прэс-служба МЗС. Беларускі бок прыбыў ў Саудаўскую Аравію для ўдзелу ў першым пасяджэнні сумеснага камітэта паміж урадамі дзвюх краін. Падчас візіту праведзены прэзентацыі гандлёва-эканамічнага і інвестыцыйнага патэнцыялу Беларусі, перагаворы прадстаўнікоў дзелавых колаў Беларусі з саўдаўскімі партнёрамі па пытаннях экспарту беларускай прадукцыі і IT-паслуг.