Беларусь і Кітай будуць ўзаемадзейнічаць па ініцыятыве “Эканамічны пояс Шаўковага шляху”.

        Адпаведнае пагадненне плануюць падпісаць Мінэканомікі нашай краіны і Міністэрства камерцыі Кітая. Эканамічны пояс Шаўковага шляху - ініцыятыва па стварэнні лагістычнай інфраструктуры для хуткай дастаўкі тавараў з Азіі ў краіны ЕС. Чакаецца, што праект ахопіць 18 дзяржаў з насельніцтвам больш як 3 млрд. чалавек. Пракладка новых магістралей, чыгунак, трубаправодаў будзе садзейнічаць развіццю энергетыкі, сельскай гаспадаркі, горнай справы, турызму, культурнага абмену. Кітайскі праект уяўляе цікавасць для Беларусі, - лічаць эксперты. Плануецца, што ў хуткім часе эканамічны пояс Шаўковага шляху пяройдзе ад канцэпцыі да канкрэтных праектаў.