У Бруселі прайшлі перагаворы аб спрашчэнні візавага рэжыму з Еўрасаюзам.

        У Бруселі прайшоў другі раунд перагавораў аб спрашчэнні візавых працэдур з Еўрапейскім Саюзам і рэадмісіі. У сустрэчы ўдзельнічалі прадстаўнікі Галоўнага консульскага ўпраўлення МЗС Беларусі, Дэпартамента па грамадзянстве і міграцыі МУС нашай краіны, а таксама супрацоўнікі Гендырэктарата па ўнутраных справах Еўракамісіі. Плануецца, што трэці раунд перагавораў пройдзе ў Мінску ў пачатку наступнага года. Нагадаем, гэтым летам беларускі бок прапанаваў Еўракамісіі шэраг змен для спрашчэння афармлення віз і павелічэнне тэрміну іх дзеяння.