Беларусь і Кенія дамовіліся падрыхтаваць да падпісання ў паскораным парадку двухбаковых пагадненняў.

         У першую чаргу гаворка ідзе аб гандлёвым супрацоўніцтве ( у тым ліку узаемнай абароне інвестыцый і пазбяганні двайнога падаткаабкладання). Аб гэтым паведамілі ў Міністэрстве замежных спраў Беларусі па выніках візіту ў Кенію беларускай дэлегацыі. Бакі абмеркавалі стан беларуска-кенійскага палітычнага дыялогу, гандлёва-эканамічнага ўзаемадзеяння і перспектывы іх развіцця. Таксама дамовіліся актывізаваць узаемадзеянне на пляцоўцы ААН і іншых міжнародных арганізацый.