Дзеці беларусаў Малдовы прынялі ўдзел у конкурсе малюнкаў, прысвечаным "Дажынкам".

      Дзеці беларусаў Малдовы, якія наведваюць у пасольстве Беларусі ў Кішынёве нядзельную школу для вывучэння мовы, літаратуры, гісторыі, культуры, традыцый сваёй этнічнай Радзімы, прынялі ўдзел у конкурсе малюнкаў, прысвечаным "Дажынкам" і наступленню восені. Творчае спаборніцтва, якое сімвалізуе заканчэнне жніва, было праведзена ў майстэрні вядомага мастака-беларуса, які пражывае ў Малдове, Вячаслава Ігнаценкі. Дзеці таксама змаглі пачуць шмат цікавага пра тое, як рэспубліканскі фестываль-кірмаш працаўнікоў вёскі "Дажынкі" штогод з вялікім размахам праводзіцца ў розных гарадах Беларусі.