Рэспубліканскі фестываль беларускіх фільмаў пройдзе днямі ў Брэсце.

      VIII Рэспубліканскі фестываль беларускіх фільмаў адкрыецца днямі ў Брэсце. У конкурснай праграме будуць прадстаўлены гульнявыя, дакументальныя і анімацыйныя фільмы. Як ніколі на фестывалі шырока прадстаўлены студэнцкія і дэбютныя стужкі. Усяго ж удзел у фестывалі прымуць больш за 50 карцін. Па традыцыі падчас кінафоруму адбудуцца творчыя сустрэчы з удзельнікамі фестывалю. Акрамя таго, сёлета майстар-клас правядзе вядомы грузінскі і расійскі сцэнарыст і кінарэжысёр Іраклій Квірыкадзе.