Парламенты Беларусі і Лаоса падпісалі пагадненне аб супрацоўніцтве.

        Парламенты Беларусі і Лаоса падпісалі пагадненне аб супрацоўніцтве ў межах афіцыйнага візіту лаоскай парламенцкай дэлегацыі ў Беларусь, паведамляе БЕЛТА. Як адзначыў старшыня Савета Рэспублікі Анатоль Рубінаў, гэты візіт беларускі бок успрымае як вельмі важны крок па ўмацаванні супрацоўніцтва паміж Лаосам і Беларуссю. "У нашых краін шмат агульнага як ва ўнутрыдзяржаўнай палітыцы, так і адносна міжнародных абавязацельстваў", - падкрэсліў старшыня Савета Рэспублікі. У сваю чаргу кіраўнік лаоскай дэлегацыі Пані Ятхоту выказала ўпэўненасць, што пасля падпісання дакументаў узаемадзеянне дзвюх краін атрымае больш канкрэтныя формы. У праграме афіцыйнага візіту лаоскай дэлегацыі яшчэ сустрэча з прэм'ер-міністрам Беларусі Міхаілам Мясніковічам, наведванне ЗАТ "Атлант"і Гродзенскай вобласці.