Алею Дружбы народаў пасадзяць у Гродне ў дзень адкрыцця Х Рэспубліканскага фестывалю нацыянальных культур

      Алею Дружбы народаў пасадзяць у Гродне ў дзень адкрыцця Х Рэспубліканскага фестывалю нацыянальных культур, паведамляе БЕЛТА. Алея з'явіцца ў Каложскім парку,дзе вырашана пасадзіць 35 рэдкіх дрэў - па колькасці нацыянальных аб'яднанняў, якія ў гэтым годзе прымуць удзел у фестывалі. Прычым пасадзяць дрэвы, якія так ці інакш звязаны з традыцыямі нацыянальных культур або растуць у краінах, дзе пражывае большасць прадстаўнікоў той ці іншай нацыянальнасці. Так, у Каложскім парку з'явяцца амурскі аксаміт, кедравая хвоя, платан, піхта, цюльпанавае дрэва, катальпа.. Высадзяць дрэвы прадстаўнікі нацыянальных дыяспар.