Huawei не выключае магчымасці рэалізацыі ў Мінску праекта "Бяспечны горад"

Кітайская кампанія Huawei не выключае магчымасці рэалізацыі ў Мінску праекта "Бяспечны горад". Такая заява прагучала ў час сустрэчы намесніка прэм'ер-міністра Беларусі Анатоля Тозіка з кіраўніцтвам кампаніі "Бел Хуавэй Тэхноладжыс". "Бяспечны горад" уяўляе сабой праграмны комплекс з прымяненнем відэааналітычных рашэнняў, які дапамагае хутка вызначыць і аператыўна адрэагаваць на ўсялякія пазаштатныя сітуацыі, а таксама своечасова прыняць меры па ўстараненні іх наступстваў. Анатоль Тозік выказаў думку, што Huawei трэба выходзіць на рэалізацыю буйных праектаў у Беларусі.