Беларуская дэлегацыя прыме ўдзел у трэцім раўндзе нефармальных міністэрскіх дыялогаў краін - удзельніц ініцыятывы Еўрасаюза "Усходняе партнёрства"

      У рамках мерапрыемства пройдзе агульная дыскусія міністраў замежных спраў і тэматычная сустрэча з удзелам міністраў адукацыі краін - партнёраў "Усходняга партнёрства". Беларусь у Ерэване будуць       прадстаўляць кіраўнік МЗС Уладзімір Макей і намеснік міністра адукацыі Віктар Якжык.
        У парадак дня нефармальнай сустрэчы міністраў замежных спраў уключаны актуальныя пытанні бягучага стану і перспектыў далейшага развіцця "Усходняга партнёрства". Размова ў тым ліку пойдзе аб падрыхтоўцы трэцяга саміту "Усходняга партнёрства", які пройдзе 28-29 лістапада ў Вільнюсе.