У Нацыянальным гістарычным музеі Беларусі адкрылася выстава "У промнях веры хрысціянскай".

         Напярэдадні святкавання 1025-годдзя Хрышчэння Русі Нацыянальны гістарычны музей Беларусі падрыхтаваў выставу "У промнях веры хрысціянскай". У экспазіцыі - помнікі хрысціянскай культуры Беларусі 10 - пачатку 20 стагоддзяў - каля 320 экспанатаў, сярод іх літургічны посуд, богаслужэбныя кнігі, святарскае адзенне, ручное кадзіла 12-13 стагоддзяў. Пакутніцкі цыкл абразоў, якім каля 2-х стагоддзяў, унікальны і экспануецца ўпершыню. Абразы, хутчэй за ўсё, сярэдзіны 19 стагоддзя былі прывезены з сабора горада Глыбокае і адрэстаўраваны спецыяльна для гэтай выставы.