Прэзентацыя Кітайска-беларускага індустрыяльнага парку адбылася ў КНР ў горадзе Гуанчжоу (правінцыя Гуандун).

          На прэзентацыі прысутнічалі прадстаўнікі мясцовых прадпрыемстваў. Таксама адбыўся дыялог з кітайскімі кампаніямі ў фармаце "пытанне-адказ", падчас якога дэталізаваны ўмовы работы ў Кітайска-беларускім індустрыяльным парку і яго прэферэнцыйны рэжым, план асваення тэрыторыі і будаўніцтва інфраструктуры, забяспечанасць кваліфікаванай рабочай сілай. Акрамя таго, падчас дыялога асветлены пытанні эканамічнага развіцця Беларусі, у тым ліку спрыяльны інвестыцыйны клімат і бізнес-асяроддзе, стан беларуска-кітайскага супрацоўніцтва, перспектывы функцыянавання АЭП, роля і магчымасці Беларусі ў інтэграцыйным аб’яднанні.