Беларусь зацікаўлена ў паспяховай рэалізацыі ўсіх сумесных праектаў з удзелам іранскага капіталу

Беларусь зацікаўлена ў паспяховай рэалізацыі ўсіх сумесных праектаў з удзелам іранскага капіталу. Пра гэта сёння, прымаючы даверчыя граматы ў Надзвычайнага і Паўнамоцнага пасла Ірана ў Беларусі Махамада Рэзы Сабуры, заявіў кіраўнік беларускай дзяржавы Аляксандр Лукашэнка. Ён выказаў упэўненасць, што ў беларуска-іранскіх адносінах магчыма істотна нарасціць узровень узаемадзеяння, і дадаў, што краіны маюць блізкія пазіцыі па большасці пытанняў міжнароднага парадку дня.