Даклад Міністэрства замежных спраў Беларусі аб парушэннях правоў чалавека пазначае праблемы, але не навязвае меркаванне.

       Даклад Міністэрства замежных спраў Беларусі "Парушэнні правоў чалавека ў асобных краінах свету ў 2012 годзе" пазначае праблемы, але не навязвае свой пункт гледжання іншым краінам. Такое меркаванне выказаў дэпутат Палаты прадстаўнікоў Андрэй Наумовіч. Па яго словах, падрыхтоўка і публікацыя гэтага дакладу своечасовая і мэтазгодная. Беларускі бок заклікае звярнуць увагу на тыя парушэнні, якія ёсць у дзяржавах свету. Больш за тое, наша краіна не стварае праблем сваім суседзям, а толькі заклікае іх да дыялогу - палітычнаму або эканамічнаму, але ўзаемавыгаднаму.