Беларусь вывучае магчымасці пашырэння паставак грузаў праз паўднёвыя парты Украіны.

       Гэта адзначыў міністр замежных спраў Беларусі Уладзімір Макей ў тэлеінтэрв'ю. Ён расказаў, што правёў змястоўныя перамовы са сваім украінскім калегам. Значная частка пытанняў была прысвечана гандлёва-эканамічнаму супрацоўніцтву. Бакі дамовіліся аб распрацоўцы шэрага дарожных карт, накіраваных на рэалізацыю праектаў вытворчай кааперацыі ў розных сферах і галінах, якія ўяўляюць узаемную цікавасць і для Украіны, і для Беларусі. Акрамя гэтага, абмяркоўвалаяс палітычнае ўзаемадзеянне паміж дзвюма дзяржавамі і ў рамках міжнародных арганізацый, у тым ліку, ініцыятывы "Усходняе партнёрства".