Беларускія трансплантолагі гатовыя да першай аперацыі па перасадцы комплексу “сэрца-лёгкія”

Беларускія трансплантолагі гатовыя да правядзення першай аперацыі па перасадцы комплексу “сэрца-лёгкія”. Пра гэта падчас онлайн-канферэнцыі на сайце БЕЛТА заявіў міністр аховы здароўя Беларусі Васіль Жарко. Гэта можа адбыцца ў любы момант, калі для пацыента-рэцыпіента будуць падабраныя сумяшчальныя органы для трансплантацыі. Па словах міністра, зараз не толькі хірургія, але і ўся ахова здароўя развіваецца вельмі актыўна. У прыватнасці, на новым этапе знаходзіцца нейраанкалогія. Высокімі тэмпамі развіваюцца методыкі медыка-генетычнага кансультавання і лячэння злаякасных пухлін, сасудзістая хірургія, эндаскапічная хірургія з ужываннем малаінвазіўных тэхналогій, у тым ліку ў рэгіёнах.