Дзяржсакратар Папы Рымскага наведае Беларусь.

        Дзяржаўны сакратар Папы Рымскага наведае з афіцыйным візітам Беларусь, паведамілі ў Рымска-каталіцкай царкве ў Беларусі. Візіт кардынала П'етра Параліна адбудзецца па запрашэнні беларускіх улад. Ён плануе асвяціць першы камень новага будынка Апостальскай нунцыятуры ў Мінску і правесці сустрэчы з прадстаўнікамі органаў дзяржаўнай улады. Таксама намечаны сустрэчы кардынала з Мітрапалітам Мінскім і Заслаўскім Паўлам, Патрыяршым Экзархам усяе Беларусі, членамі Канферэнцыі каталіцкіх епіскапаў Беларусі, каталіцкай моладдзю і вернікамі краіны. Як адзначылі ў царкве, гэты візіт - сімвал добразычлівасці Папы Францыска да Каталіцкай царквы ў Беларусі.