Каталіцкія іерархі Беларусі заклікаюць маліцца за спыненне гандлю людзьмі.

      Святы Прастол заклікае вернікаў ва ўсім свеце аб’яднацца ў малітве за спыненне гандлю людзьмі. З асаблівым заклікам выступіла і Канферэнцыя каталіцкіх біскупаў Беларусі, паведамляе БЕЛТА. Біскупы будуць маліцца за ўсіх ахвяр гандлю людзьмі, якія спазналі рабства і несправядлівыя абразы, а таксама за арганізацыі, якія змагаюцца супраць гэтага насілля ў кожнай яго праяве - гандлі дзецьмі, жанчынамі, чалавечымі органамі і нелегальнай працоўнай сілай. Апекуном барацьбы з гандлем людзьмі і малітвы за зняволеных лічыцца святая Жазэфіна Бакіта.