Міністр замежных спраў Беларусі Уладзімір Макей наведае з візітам Берлін і Мюнхен.

         У межах развіцця беларуска-германскіх адносін у палітычнай і гандлёва-эканамічнай сферах пройдзе сустрэча кіраўніка беларускага знешнепалітычнага ведамства з прадстаўнікамі германскіх дзяржаўных органаў, дзелавых колаў і экспертнай супольнасці. Уладзімір Макей прыме ўдзел у 51-й Мюнхенскай канферэнцыі па пытаннях бяспекі. Міністр таксама правядзе двухбаковыя сустрэчы з мэтай абмеркавання пытанняў развіцця палітычных і гандлёва-эканамічных адносін як з Германіяй, так і з іншымі замежнымі партнёрамі Беларусі.