2015-ы ўступіў у свае законныя правы!

        Як правіла, любімае свята беларусы сустракалі дома, а пагуляць выйшлі ў асноўным за поўнач. У кожным горадзе падрыхтавалі сваю арыгінальную праграму і пастараліся зрабіць гэта з размахам - толькі ў Мінску працавалі дзесяткі пляцовак. Сустрэць Новы год на вуліцах сталіцы вырашылі амаль 50 тысяч мінчан. Феерверк стаў сапраўднай кульмінацыяй свята. У 15-хвілінным шоу дамінавалі чырвоны і зялёны – сёлета гэта былі асноўныя колеры святочных салютаў. Такія ж феерверкі парадавалі жыхароў ўсіх буйных гарадоў краіны, за імі назіралі 357 тысяч беларусаў.