Цырымонія ўзнагароджання пераможцаў XII рэспубліканскага турысцкага конкурсу "Пазнай Беларусь" адбылася ў Нацыянальнай бібліятэцы.

        Пераможцаў вызначалі ў васьмі намінацыях сярод 130 удзельнікаў. Традыцыйна найбольшую цікавасць выклікала народная намінацыя "Я пазнаю Беларусь". Пераможцамі сталі Дзяніс Баранаў і Вольга Загній. Дарэчы, летась яны сталі дыпламантамі ў гэтай жа намінацыі. Пара даслала на конкурс больш за 130 здымкаў на фоне беларускіх славутасцей. Журы таксама адзначыла граматай "За актыўны ўдзел у конкурсе, імкненне палюбіць і спазнаць Беларусь" жыхара Італіі. П'еро Паскуалі здзейсніў тур па Беларусі і сфатаграфаваўся на фоне больш чым 60 славутасцей.